ÜST-dən maska ilə bağlı gözlənilməz XƏBƏRDARLIQ

ÜST-dən maska xəbərdarlığı: ZƏRƏR verə bilər
"Maskalar ilk növbədə, yalnız yoluxmuş insanlar və ya koronavirus ilə əlaqəli tibbi heyət tərəfindən istifadə olunmalıdır"
Bunu brifinq zamanı Ümumdünya Səhiyyə Təşkilatının (ÜST) icraçı direktoru Maykl Rayan bildirib.
"Maskaların yanlış geyinilməsi hətta insana zərər verə bilər. Əhalinin maskaları kütləvi şəkildə istifadə etməsinin hər hansı bir potensial üstünlüklərinin olduğuna dair konkret sübutlar yoxdur. Əslində, maskanın düzgün istifadə edilməməsi və ya yanlış taxılması zamanı əks-təsir haqqında bəzi sübutlar var" - deyə, Ryan qeyd edib.
ÜST-nin yoluxucu xəstəliklər üzrə epidemioloqu doktor Mariya Van Kerkxov əlavə edib ki, maskalardan ən çox buna ehtiyacı olan insanlar, xüsusilə də tibbi personal istifadə etməlidirlər:
"Biz cəmiyyətə maskalardan istifadə etməyi məsləhət görmürük. Əgər siz özünüz xəstələnməmisinizsə maska taxmağa ehtiyac yoxdur. Tibbi maskalar evdə olan yoluxmuş insanlara, həmçinin, onlara qulluq edən şəxslərə verilməlidir.(axeber.az) Çap