Menu
16 noy 16:59XƏBƏR LENTİ / Siyasət

İran rəsmən açıqladı: "Türkiyə ilə anlaşdıq..."

İranın xarici işlər naziri Hüseyn Əmir Abdullahiyan Türkiyə ilə İran arasında uzunmüddətli əməkdaşlıq üçün yol xəritəsinin hazırlanması mövzusunda razılaşdıqlarını bildirib.
Avropa.info xəbər verir ki, Abdullahiyan bu barədə Tehranda rəsmi səfərdə olan xarici işlər naziri Mövlud Çavuşoğlu ilə birgə mətbuat konfransında danışıb. İran XİN rəhbəri iki ölkə arasında əlaqələrin sürətləndirilməsi üçün ortaq mexanizmlər quracaqlarını deyib:
"Türkiyə ilə İran arasında uzunmüddətli əməkdaşlıq üçün yol xəritəsi hazırlamağa razılaşdıq. Bu mövzuda diplomatik danışıqlara başlayacağıq. Bunu görüş zamanı yekunlaşdıracağıq. Cənab Ərdoğanın Tehrana səfəri və iki ölkə arasında anlaşma memorandumu hər iki prezidentin iştirakı ilə imzalanacaq".
Çavuşoğlu ilə münasibətlərin önündəki maneələrin aradan qaldırıldığını vurğuladıqlarını qeyd edən iranlı nazir, "İki ölkə arasındakı əlaqələr tarixi və dostluq münasibətləridir. Biz buna xüsusi önəm veririk. Ticarət, iqtisadiyyat, enerji, sərhəd və konsulluq və digər sahələrdə əməkdaşlığı müzakirə etdik. Münasibətlərin sürətləndirilməsi üçün heç bir ciddi maneə görmürük. İki ölkənin geniş potensialı var. İş adamlarının qarşısındakı maneələr müəyyən edilib və qısa müddətdə problemlərin aradan qaldırılması istiqamətində addımlar atılacaq", deyib.
"Biz bir çox regional məsələlərdə həmfikirik. Regional və beynəlxalq məsələlərlə bağlı faydalı müzakirələr apardıq. Biz Əfqanıstana da diqqət yetiririk. Qərbi Asiyada sülh və sabitlik bizim üçün vacibdir. Ankara və Tehran hökumətləri bu məsələdə fəaldırlar",-deyə XİN rəhbəri bildirib.
Çap
Oxşar xəbərlər:
"> Şuşa Bəyannaməsi: Azərbaycan-Türkiyə münasibətləri ən uca zirvəyə yüksələrək yeni mərhələyə qədəm qoydu "> Azərbaycan və Türkiyə görünməmiş hərbi təlimlərə başlayır-Naxçıvandan Kürdəmirədək "> Prezident İlham Əliyev Şuşada xalqa müraciət edib - Video, mətn "> ABŞ-dan təhlükəli mesaj - “İranı vurmaq üçün bir addım qaldı” "> AZƏRBAYCANLI QIZ RUSİYADA QƏHRƏMAN OLDU - Foto
Komment Əlavə et
Adınız:
E-Mail:
Şifrə:
yenilə, əgər kod görünmürsə
Şifrəni daxil edin: