Təbiəti mühafizə etmək üçün 20 ən varlı ölkənin yarım trilyon puluna ehtiyac var

Dünyanın ən varlı 20 ölkəsi təbiətin mühafizəsinə ayırdıqları illik xərcləri ən az iki dəfə artırmalıdırlar.
Musavat.com xarici agentliklərə istinadən xəbər verir ki, bu barədə BMT-nin yeni hesabatında deyilir.
Sənəddə varlı dövətlərin planetimizin yaşıllığının qorunması üçün cəmi 120 milyard pul ayırdıqları qeyd olunub.
BMT-nin Ətraf mühitin mühafizəsi proqramının (YUNEP) iqlim maliyyələşməsi departamentinin rəhbəri İvo Malder bunun olduqca az olduğunu dilə gətirib. Onun fikrincə, bu rəqəm 2030-cu ildə ildə ən az 350 milyard dollar, 2050-ci ilə qədər isə 536 milyard dollar təşkil etməlidir.
Hesabatda 2020-ci ildə dünyanın 20 ən qüdrətli dövlətinin pandemiyadan sonra iqtisadiyyatlarının bərpasına 14,6 trilyon dollar ayırdıqları göstərilib. Lakin bu rəqəmdən sadəcə 368 milyardı, yəni 2%-i “yaşıl” sərmayə hesab oluna bilər.
Çap