Dünyada ilk dəfə koronavirus vaksini qeydiyyatdan keçib

Rusiyada yeni növ koronavirus (COVID-19) infeksiyasına qarşı ilk peyvənd qeydiyyatdan keçib.
APA-nın məlumatına görə, bu barədə Rusiya Prezidenti Vladimir Putin bildirib.
Bu peyvəndin nəticələri yüksək effektivlik göstərib. Bu barədə isə Rusiyanın Səhiyyə naziri Mixail Muraşko bildirib.
O, peyvənd olunan bütün könüllülərdə COVID-19-a qarşı yüksək titrli antitel formalaşdığını qeyd edib.
“Bununla yanaşı, onların heç birində immun sisteminin ciddi fəsadları qeydə alınmayıb”, - deyə, rusiyalı nazir vurğulayıb.
Qeyd edək ki, dünyada ilk dəfə yeni növ koronavirus (COVID-19) infeksiyasına qarşı peyvənd Rusiyada qeydiyyatdan keçib. İnyeksiya üçün maye halında olan peyvənd Hamaley adına Mərkəz tərəfindən işlənib hazırlanıb. Çap