Millət vəkili: "İşçi qrupunun tərkibindən istefa verəcəm"

"İşğalçı Ermənistana silah-sursat yardımı edən ölkələrdən biri də İordaniyadır. Bu da bizim müsəlman dövləti. İrandan və Fələstindən sonra müsəlman qənimi olan işğalçı dövlətə açıq yardım göstərən üçüncü İslam Əməkdaşlıq Təşkilatının üzvü. Bunlar peyğəmbərə qarşı savaşmaq üçün əl altından onun düşmənlərinə yardım edən münafiqlərdən heç nə ilə fərqlənmirlər".
Pravda.az-ın xəbərinə görə, bunu Milli Məclisin deputatı Fazil Mustafa deyib.
"Əgər bu fakt sübuta yetirilsə, o halda bəri başdan deyirəm: İllərdir üzvü olduğum Azərbaycan-İordaniya parlamentlərarası işçi qrupunun tərkibindən istefa verəcəyəm. Mən bütün ibadətlərini yerinə yetirən inanclı bir müsəlmanam, əgər kimsə qardaşım dediyi müsəlmanı öldürmək üçün onun düşməninə silah verirsə, yardım edirsə, ora maşınlarla ərzaq və yanacaq daşıyırsa, mənim üçün ermənidən də şərfəsizdir, ondan daha təhlükəli düşməndir. Biz Rusiya və İran kimi Ermənistana dəstək verən ölkələrlə də parlamentlərarası işçi qrupunun üzvüyük, burada qonşu dövlətlərlə münasibətləri qorumaq, bəzən də nələrəsə təsir göstərmək imkanları baxımından üzvlüyə səbrli yanaşırıq. Ancaq İordaniya bölgədə xüsusi marağı olmayan, marağı olsa belə, bunu Azərbaycan vasitəsi ilə daha rahatlıqla təmin edə biləcək bir dövlətdir. Düşmənimizə yardımı sübut olunsa, biz buna ancaq "xəyanət" deyəcəyik" - F.Mustafa qeyd edib. Çap